O banco dos 25 anos - Fonte da Virxe

O banco dos 25 anos - Fonte da Virxe

Buscar
Vaya al Contenido

Menu Principal

O banco dos 25 anos

 
 




 
 
 


Proxecto participativo





O banco que simbolizará o 25 aniversario da Asociación evoca as arcadas que durante moitos anos caracterizaron a Fonte da Virxe, como se pode ver na imaxe histórica máis coñecida dese lugar, unha tarxeta postal que forma parte do libro promocional que publicou o Hospital de Conxo a comenzos do século pasado para publicitar a reforma e modernización do psiquiátrico.





Unha obra colectiva

A obra ideada no Obradoiro de Cerámica da Asociación é un gran semicírculo de tres metros de diámetro. No seu perímetro exterior levantarase unha estrutura de albanelería de 50 centímetros de ancho por 50 de alto.


Esa base irá recuberta polas  pezas de cerámica de gres feitas artesanalmente por cada un dos asistentes aos obradoiros abertos organizados no Centro de Rehabilitación da rúa Campo do Forno durante os meses de abril e maio.

Coma o resto das actividades do aniversario, é unha proposta aberta a soci
@s, usuari@s, profesionais e a calquera que desexe participar. (Ver horarios*)





Colaboradores especiais

Contamos xa de entrada con dous apoios relevantes, o da  Asociación Itínera, e o do Departamento de Terapia Ocupacional do Hospital Psiquiátrico de Conxo.


Os usuari
@s e voluntari@s de Itínera, artifices en gran medida da recuperación da Fonte da Virxe e de todo o espazo natural no que se enmarca, axudarannos a facer a estrutura do banco.

E os profesionais e usuari@s dos obradoiros ocupacionais do Hospital de Conxo partiparán na elaboración das lousas cerámicas da cobertura.

Nas imaxes seguintes pódense ver con detalle os datos técnicos da obra:



BANCO

Pranta, alzado, perfil e sección.






Coberturas de cerámica.







Ubicación do banco.




https://compostelaverde.santiagodecompostela.gal/places/fonte-da-virxe-da-cuncha/

 
 
 

Horarios de participación aberta:

Martes e Venres de 10:15 a 12:45 e de 16:00 a 18:30

Chamar previamente para confirmar: 981.884.239 ou 636.932.610

Se queres participar en outros horarios, chámanos e falamos para adaptar horarios.


 
 


Continúa a coñecelo programa de actividades de participación aberta do noso 25 aniversario nos seguintes links:

 
 
Regreso al contenido | Regreso al menu principal